Ha ka 14 tarik uni u bnai, ki chipai ka BSF Meghalaya da yoh ki wow kem chiboon i dawai deilang wa ki Mobile Phone Display wa chongdor palat Rs. 73 lak kiwa da thmu wow chalan tooh cha Bangladesh lyngba ka East Khasi Hills.
Yeini da yoh wow kem da ki BSF ka 110 Bn hadien wa yoo yei em ki bru harood ka wah Khasimara wei manda lai hiar ki cha kani ka thaw da chem ya chiboon ki dawai deilang wa ki Mobile Phone Display kiwa da song bha ha ki synduk kot dei thmu wow phah ki cha Bangladesh.
Ya kini ki mar wa yoh kem da e kti cha ki bru ka Customs yow leh ki yeiwa emkaam.
Ha iwi won i yoh kem, ki BSF ka 200 Bn deiwa ya krehlang wa ki pulit ka Meghalaya, da yoh ki wow kem ya 10,000 kg i chini wa da ieh ha iwi i yung wym em wa sah ha thaaiñ Rongra ka South Garo Hills iwa chongdor kamwa Rs. 4 lak.
Discussion about this post