Jowai: Ki pulit ka ANTF East Jaiñtia Hills, deilang wa ki pulit ka Khliehriat Police Station, Lumshnong Police Station wa Ladrymbai Out Post haka 16-17 tarik uni u bnai da pynman ki ya ki pynsangeh kari kam chibynta wow pteiñ yei sylli yei wan psiah ki baar ri wa ki drugs chapoh ka District heiwa da kynreh ya waroh ki kari kamai khamtam kiwa wan na Silchar.
Ha ini i kynreh kari, ynni step synyaw heipor chi waje, na kawi ka Night Super Bus kawa em ya u Number AS-24C-2829 kawa wan na Karimganj yow lai cha Guwahati da chah pynsangeh ko ha Khliehriat wei da chem, 45 tylli ki yusong wa em ki Gelatin Sticks kiwa khia 112.5 Kg, 5900 tylli ki Detonators wa song ha ki synduk wa 133 meter u Detonating Cord (Cordtex) da chem na ki 6 tylli ki muna na ki ar ngut ki bru wa lai luti da kani ka Bus.
Hawa takit ki pulit ya kini ki ar ngut da khana ki wa kini ki mar wa pynemkaam wow tympdung toh kiwa kit yow rah cha Karbi-Anglong District ka Assam. Ya i pyrtuid kiwa chah kem ym em khana ki pulit wa dang em ki haka takit.
Heipor 2 waje i step ynne hi ka sngi, kawi ka Night Super Bus wa em ya u number AS-01JC-0979 kawa wan na Agartala yow lai cha Guwahati da chah pynsangeh ko ha Khliehriat wei heipor wa khynra yaka da chem wa suba toh u Bhang wa khia 21 Kgs na ki ar tylli ki muna kiwa yong u Dharanveer Ray (33 snem) uwa na Bihar wa u Prince Ray (18 snem) uwa na Bihar hi.
Ki pulit da kem ki ya kini ki ar ngut wei da pyntip ki wa ya uni u Bhang da thied ki na Agartala yow kit cha Bihar yow dai oo.
Heipor 4:20 i janmiet ka 16 tarik kawi ka kari kamai TATA Sumo kawa em ya u number ML-04A-5229 kawa wan na Digorkhal cha Ladrymbai da pynsangeh yaka ha Byndihati ha u sarok bah NH-06 wei hadien wa kynreh ya kani ka kari da chem na uwi u bru wa tip kam u Dashwamiki Lamare (30 snem) 0.74 Gram wa suba toh i Heroin wa 260 mg ki dawai kuli Nitrazepam.
Hawa takit ki pulit, da phla uwa chah kem wa da thied u ya kini ki mar na Kalain, Assam yow pynemkaam ya oo samen wei wow dai leh kamjooh.
Discussion about this post