Yoh kem ki pulit ka Manipur ya i drug wa chongdor T. 166 Klur na ka karkhana chna drug

Jowai: Iwa ye u man iwi na iwa heh dooh i yoh kem drug ha Manipur, ki pulit ka Thoubal District, ynnin ka 17 tarik na kawi ka karkhana chna drug da yoh kem ki ya i Heroin wa khia 184 Kg iwa da antaad wa chong dor T. 166 Klur.

Ha katai ka sngi heipor kamwa 11:35 I sgni hei yahkhmat u Addl. SP (Ops) Sachidananda Soibam, wa emlang u DSP (CDO) O. Wangkhomba, SDPO Thoubal M. Bishworjit Singh, DSP (Ops) A. Khelendro, RI/Thoubal Inspt. M. Sudhirkumar, OC CDO Inspt. N. Sadananda, OC Thoubal PS Inspt. N. Jadumani waka OC-Women PS SI L. Kiranbala Devi hapoh i pait u Superintendent of Police, Thoubal Dr. S. lbomcha Singh wei da em leh ki dkhot ka ANJUMAN, Lilong da kynra ki yaka karkhana chna drug wa pynkrehkaam na yung u Moijingmayum Md. Muhammed (41 snem) iwa em ha Moijing Awang Leikai.

Related posts

Chah kem ki le ngut kiwa rahbor ya ka kynthai na Byrnihat wei dai ka hei dor wa Rs. 3 lak ha Rajasthan

October 28, 2025

Hadien chi snem wa chah rahbor ka khynnah na West Garo chem ka na Delhi | Kha khon mar ya poi Tura

October 27, 2025

Na kani ka yung da kem ya kiwa boon ki tiar ki tar wa pynemkaam wow chna drug kamjooh i drug wa 184 Kg wa suba toh i Heroin Brown Sugar.

Da kem ya u tre kani ka karkhana u Moijingmayum Md Muhammad wei da pynman yaka takit da ka Thoubal Police Station.