Ki pulit ka Ri-Bhoi na Umroi PIC deilang wa ki Anti-Narcotic Task Force (ANTF) da pynman yei pynsangeh kari ha Lumdiengngan, Umroi hadien wa tip tikna wa daw em kiwa daw khayi ya ki mar dih pynmuaid heiwa ynne heipor kamwa 3:05 i step synyaaw da wan ar tylli ki kari Pickup kiwa em Number TR-05F-1909 wa TR-04D-1920.
Heipor wa pynsangeh ya kini ki kari, da yut syndet ki kawi cheiliang Bhoirymbong (TR-05F-1909) katwa kawi won cheiliang Umeit (TR-04D-1920).
Kani ka kari wa yut cha Umeit da kdong ka wei da yoh wow kem ka deilang wa uwa yah katwa ka kari wa yut cha Bhoirymbong da yoh ko wow psiah chapoh khloo heiwa uwa yah wa uwa emlang wa oo da yoh laad ki wow lait na ki pulit.
Uwa yah ya ka kari wa yut cha Umeit toh uwa tip kam u Supan Chakma (25 snem) uwa na Pecharthal, Unakoti, West Tripura.
Na kini ki kari da yoh wow sai 45 tylli ki yusong wa khia 236.89 kilo kiwa du u bhang hapoh.
Ya uni uwa chah kem da pynngat hapoh ki kyndon ka aiñ NDPS Act.
Discussion about this post