Yoh kem ki pulit ya 7 tylli ki jait sim Hornbill na kawi ka kari ha u sarok Jowai Bypass

Advertisement

---

Ka Special Team ka Jowai Police Station hei miet ka 8 tarik heipor 9:00 waje heipor wa pynsangeh kari ha u sarok Jowai Bypass (NH06) da chem wa ha kawi ka kari Mahindra Bolero (rong lieh) kawa em ya u Number MZ-01R-0463 wa em du uwa yah hapoh uwa tip kam u N.K. Thangtea (22 snem) uwa na Aizawl, Mizoram wei napoh kani ka kari da chem ya le tylli ki yusong wa song bha hapoh ki synduk kot kiwa rap phær.

Hadien wa wai ya kini ki synduk da chem wa em 7 tylli ki jait sim Hornbill (Ryngkoh ka Knor) kiwa da chah khayi tooh wei ym em biang ki kot ki sla.

Advertisement

---

Kamtæ da pyntip cha ki bru ka chnat Wildlife ka Jowai kiwa da pyntikna wa kini ki sim toh kiwa da yada da ka aiñ kam kiwa da jan wiar jait hapoh ka Schedule-I ka aiñ Wildlife Protection Act.

Kamtæ da kem ya uni uwa yah kari kamjooh kini ki sim Hornbill wei da ekti cha ki bru ka Wildlife.