Ki pulit ka South West Garo Hills da ye ki wow pynkut ya uwi u kynjri i khayi drugs hapoh Ri-loom Garo na Assam, deiwa yoh kem ya ki dawai kuli Methamphetamine (YABA) heipor wa khayi chapoh ka District na Mankachar ka jylla Assam ynnin i miet.
Ki 11,000 tylli ki kuli YABA wa yoh kem toh kiwa khia 1.06 kg, wei da yoh ya ki na ki ar tylli ki thuk-thuk wa pynemkaam ki le ngut ki khynroo kiwa na Manakachar heiwa da kem ya ki da ki pulit ka Anti-Narcotics Task Force.
Ka khubor na ki pulit da ong wa ka Special Operation wa yahkhmat da u DSP (HQ) ka District da ieñ ki ya kini kiwa khayi drugs ha Borkona hapoh ka Monabari Police Outpost, iwa man i thaw psiah cha South West Garo Hills na Mankachar, Assam.
Kiwa chah kem kynthup ki ya u Mostafa Sheikh (24 snem) wa u Nur Abdin (24 snem) kiwa na Mankachar wa u Meter Ali na Dhanoa, Assam.
Neiliang u SP ka South West Garo Hills, u Vikash Kumar da kyntu u ya ki paidbah wow pyntip cha ki pulit lada em kiwa khayi tooh ya i drugs wei daw murieh ya i pyrtuid kiwa pyntip.
![](https://i0.wp.com/wyrta.com/wp-content/uploads/2024/07/rnstthgh1.jpg?resize=960%2C721&ssl=1)
Discussion about this post