• About Us
  • Contact Us
  • Privacy Policy
  • Advertise With Us
  • Terms & Conditions
Friday, July 11, 2025
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
ADVERTISEMENT
Advertisement Advertisement Advertisement
ADVERTISEMENT
Home News

Kyrpaad u Secretary ka chnong Madur ya u waheh chnong warim wym toh u ksoh nood u

Wyrta Staff by Wyrta Staff
July 14, 2024
Reading Time: 5 mins read
A A
0
Share on FacebookShare on Twitter
ADVERTISEMENT

Nga u Ribaitmiki Ryngkhlem uwa man u Secretary Chnong wa kattæ ka Dorbar Chnong Madur da pynkyrngiat ko ya nga hawa yoo ya ka khubor haka 10-07-2024 ha u Wyrta wa da phah hei pyrtuid ka Dorbar Chnong Madur hajrong ka Public Hearing yong ka Delimitation Committee neibynta ki MDC Constituency ka JHADC.

Kam uwa yahkhmat ka chnong kwah O wow pynche cha kiwa chong chnong hi waroh kawi wa toh ka Executive Committee yong ka Dorbar Chnong Madur hi ym em rai ko wow kyrchaan næ pyrchah yei phiah ya ki MDC Constituency.

ADVERTISEMENT

Ka khubor wa rai kyrchaan yei phiah ka Delimitation Committee yong ka JHADC ya ki Constituency toh ka khubor wa phah da ki kattu katni donhi khlem da pynsñiaw wot tang ha ka Executive Committee yong ka chnong.

Nga kyrpaad O ya kiwa chim kabu hei pyrtuid yong ka dorbar chnong wym hoi u thaad burom phi ya ka chnong næ ya kiwa chong chnong dei pyrkhat yong samen donhi. Iwon iwon wa rai ka chnong ymtoh i rai wa du samen tangwa katkam ka riti synchaar paidbah hi wa toh ki paidbah hi wow rai. Kam i pyntip cha ki lok waroh wa hadooh kattæ ym pu em kattæ ka pynsñiaw paidbah næ ka General Meeting ha ka EC chnong wow rai kyrchaan næ pyrchah ya ka Delimitation Committee yong ka JHADC.

Related posts

Khlem da khana katwon tylli ki kreh wa lait deiwa thoh donhi ‘Some Post’ pynmih Advertisement ka DSC

July 11, 2025

Pynman ka Shangpung College ya ka District Level Youth Festival

July 11, 2025

Khaddooh, i kam kiwa yahkhmat chnong næ kiwa chong chnong ymtoh u ya phah khubor kulmar hi-eh dei sñiaw samen donhi, to yn ap yei rai u waboon walang dep tæ pynchong yurim wei pynyillu yei pyrkhat dep tæ rai.

Kyntu O leh wa e wa i wym ya sñiawthooh yumut hapoh ka chnong ymtoh u mih ko cha baar deiwa thmu pyndooh burom iwi ya iwi. Hao ha ka synchaar paidbah mih bait i kynrum kynram chawah chanieñ tangwa kam kiwa chong chnong toh u man i kam chi payu.

Ka chnong hi dang kheiñ kor ko hadooh katte ya ki dien kjat wa bha wa da booh da thaw u E. Ryngkhlem uwa man kam u waheh chnong warim hadooh kini ki por dang man u leh kam u pa ka chnong.

Kyrpaad O ya oo wym toh u sñiaw ksoh nood u tangwa wow pteiñ u u kdaw luti ya kiwa yahkhmat wa katni hei chemphang yong oo.

Kam u Secretary chnong kwah O u pyntip watoh ka chnong Madur hi ym em krehkaam ko cha khubor donhi. Kawon kawon ka rai wa chim i wa pynkhrehkaam i da leh khlem da phah cha ki khubor lait noh du wa kwah e u pyntip cha kiwi tawan kiwa chong chnong.

Puræ leh: Pynche ka Dorbar Chnong Madur yei pyrchah u khon ka chnong ya i phiah Constituency

Puræ leh: I pynche na u Esterwis Ryngkhlem, Waheh Chnong warim ka Madur

ShareTweetSendShare
Previous Post

Da ki waje wa chongdor Rs. 2 klur kawi yoh kiwa chong synraan ya u khon u Mukesh Ambani

Next Post

Yoh kem ki pulit ya kiwa na Assam wa wanrah drugs cha Meghalaya

Related Posts

News

Khlem da khana katwon tylli ki kreh wa lait deiwa thoh donhi ‘Some Post’ pynmih Advertisement ka DSC

July 11, 2025
News

Pynman ka Shangpung College ya ka District Level Youth Festival

July 11, 2025
News

E khublei Behdieñkhlam ka Synjuk Waheh Chnong Ri Jaiñtia ya ki khon ka Raij Jowai

July 11, 2025
News

Wan wai ka Finance Minister ka ri ya ka Polo Shopping Complex kawa da chna hei lut wa ₹100 klur

July 10, 2025
Next Post

Yoh kem ki pulit ya kiwa na Assam wa wanrah drugs cha Meghalaya

Discussion about this post

Wyrta

© 2025 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2025 WYRTA Khubor Hei Ktien Pnar