Ha i miet ka 29 tarik uni u bnai, ki pulit ka Bajengdoba Police Station, North Garo Hills da yoh ki wow kem yaki le ngut ki bru wa emkti hei wow lute bru kiwa da jooh leh ya kini ki kaam wei da dep pynngat chwa haka Case No. 22(12)2020 U/S. 392/457/34 IPC.
Ya kini ki 3 ngut da yoh wow kem yaki daki pulit kiwa lai uiñ sonteri ha ki bynta ka Rari (NH51) heipor wa kini ki 3 ngut dang thmu ki wow lute wow tooh ha katai ka miet.
Kini ki 3 ngut da yoh kem yaki deiwa dang tymmoh ki yei dur yong ki daki that wei da tip pyrtuid yaki kam u Rajip Marak, Paul Marak wa u Mansil A Sangma.
Kini leh toh kiwa da emkti wow tooh na iwi i yung ki chi kurim kiwa da heh rta heiwa da lute naki T. 50,000 wei da em leh kiwi ki kynti wa da pyrchang kini ki 3 ngut wow tooh wow lute tangwa ym em yoh ki.
Ya kini ki 3 ngut da li rah hakhmat ka yung bichaar ynne ka sngi.