Ki chipai ka Assam Rifles haka 3 tarik uni u bnai da yoh ki wow kem ya ki mar wa chalan tooh wa chong dor T. 86 lak wa kynthup ya u kwai ha Mizoram na Champhai District wa khia 27.4 Ton. Da yoh leh wow kem lang ya 129 gm i Heroin.
Ki chipai ka Assam Rifles won kiwa em ha Manipur haka jooh ka sngi da kem ki ya u dkhot ka KCP (MC) na thaaiñ Ninthoukhong ka Bishnupur District wei da ekti ya oo cha ki pulit.
Ha ka 30 tarik u Khonchonglad won, ka Assam Rifle deilang wa ki pulit ka Nagaland da yoh ki wow kem ya u dkhot ka NSCN(KN) naka thaaiñ Nuiland, Wokha District wei na uni da yoh leh ya ki tiar yasiat deilang wa ki kuli.
Haka jooh ka sngi ka Assam Rifle deilang wa ka chnat Custom ka Mizoram da yoh ki wow kem 5600 Kg i symbe Poppy wa chongdor kamwa T. 25 lak na thaaiñ Zotlang-Ruantlang ka Champhai District.
