10 tylli ki thaw sumaar ka sorkar Meghalaya da yoh ki ya ka National Quality Assurance Standards (NQAS) Certification, kawa man kawi na ki tipmit wa kordor wow pynsakhiat yei miat i bha i e yei sumaar sukhær hapoh ka ri India.
Kini ki thaw sumaar wa wa yoh ya kani ka NQAS Certification toh ka Ganesh Das MCH Hospital, Shillong; ka Marngar PHC (Ri-Bhoi District); ka Siju PHC (South Garo Hills District); ka Nongalbibra PHC (South Garo Hills District); ka Pomlum PHC (East Khasi Hills District); ka Asananggre PHC (West Garo Hills District); ka Babadam PHC (West Garo Hills District); ka Wagesi PHC (North Garo Hills District); ka Salmanpara PHC (South West Garo Hills District) wa ka Gabil PHC (North Garo Hills District).
Da em leh 91 tylli ki SC HWCs (AAM) na kylleiñ ka jylla kiwa da yoh ya ka NQAS Certification, wei chwa ini ka Pasteur Institute- Central Laboratory wa ka State Food Testing Laboratory da yoh ki ya ka NABL Accreditation, iwa da pynyoo wa ka Meghalaya da pynku ko nadooh wow e sumaar kamjooh ki Laboratory.
Ka Ganesh Das MCH Hospital kawa da pait ya chiboon ki kha khon wa i chitom ki manbei wa ki khynnah da ye wow pynwandur yei rukom kreh hadooh wow yoh ym du ya kani ka NQAS tangwa ka Laqsha wa Musqan Quality Certification neibynta ka OT, Labor Room, SNCU wa Paediatric Care Services.
Kamjooh leh ka Marngar PHC, Siju PHC, Nongalbibra PHC, Asananggre PHC Pomlum PHC, Babadam PHC, Wagesi PHC, Salmanpara PHC wa ka Gabil PHC da e ki yei chakri ya ki chong ki thaw wa em cha palatsor wa kiwa cha kdong deiwa e yei chakri katkam ka National Standard.
Discussion about this post