I ku ya u loom wa jrong tam ha pyrthai, u Mt. Everest dang pteiñ i hadooh kini ki sngi nadooh wa ku nyngkong ya oo da u Sir Edmund Hillary wa u Tenzing Norgay tangwa kajiak tip ka pyrthai ya kiwi tawon kiwa da yarap ya kini ki ar ngut wow poi ki ha khlieh ka pyrthai.
Uwi na kitæ ki bru wa yarap ya u Edmund wa u Tenzing toh u Kancha Sherpa uwi na ki 103 ngut ki Sherpa wa yarap ya ki ar ngut wow ku ya u Mt. Everest ha u snem 1953 heiwa u Kancha toh sa du oo wa dang im na waroh kiwa da lai heini i ye ku ya u Mt. Everest hei sien wa nyngkong.
U Kancha da khlaad noh u ynnin i step heipor 2:00 waje hei rta wa 92 snem ha Kathmandu. I pyrtuid pura u toh, Ang Phurba “Kancha” Sherpa.
Neiliang u President ka Nepal Mountaineering Association, u Phur Gyalje Sherpa da ong u wa u Kancha da pynyoo u yei naam wei burom ka Nepal ha ki kaam ku loom wei i naam yong oo u sah i yanom.
Ya u Kancha da kha ha u snem 1932 ha chnong Namche, heiwa manda dap u 19 snem da lai kreh u cha Darjeeling wei heitæ da yachem u wa u Tenzing Norgay uwa da khut ya oo wow embynta wa u Sir Edmund Hillary ha u 1953 wow ku ya u Everest.
U Kancha kam uwi na ki 103 ngut ki Sherpa wa yarap ya kini ki ar ngut wow ku ya uni u loom, da yoh nongsngi ki Rs. 5 chi sngi.
Hanla u Kancha ym em ku u ya u loom tangwa da yarap u ya ki ar ngut wow poi ha ka Camp wa ha khlieh dooh ya kawa tip katni kam ka South Summit.
U Edmund wa u Tenzing da ku ki cha khlieh uni u loom ha ka 29 tarik u Naisan 1953.
Discussion about this post