Hapyrdi i joor i yakhih ha kylleiñ ka ri Bangladesh iwa da sdang nadooh ka 1 tarik uni u bnai heiwa da em da ki spah ngut kiwa mynsoo wei hadooh kattæ da em 18 ngut kiwa da yap heiwa kiwa yakhih da kyntait ki yei tyrwa ka Prime Minister Sheikh Hasina wow yasuk.
Neiliang u Montri Rangbah ka jylla, u Conrad Sangma da pyntip wa ka sorkar jylla da ye ko wow ya krehlang waka Bangladesh High Commission kamjooh ka Indian High Commission heiwa da ye wow sai 161 ngut kiwa na India wa lai puræ ha Bangladesh.
Da pyntip u leh wa na kini ki 161 ngut, 63 ngut toh kiwa na Meghalaya kiwa da yoh u poi biang chapoh India lyngba ka Dawki Land Port.
Da em leh 95 ngut kiwa na Nepal wa 7 ngut na Bhutan.
Puræ leh: Joor ka yakhih pyrchah yei e bhah kreh 30% ha Bangladesh, yap 6 ngut mynsoo ki spah ngut
Discussion about this post