Yoh laad kiwa dooh Prize wow pynman da ki hi ka Fishing Competition

Kiwa khwe dakha kiwa da chimbynta ha ka yakob khwe wa da pynman ha ka 23-11-24 ha ka nan u Elias Muksor wa em ha Mynsngat Mootha kiwa em 100 ngut kiwa jop tangwa ym pu em yoh Prize ki haddooh kattæ leh.

Da pyntip ki wa hadien wa da yoh u pynman kawi ka Meeting ha ka 25-09-25 ha Club Luti Mynsoo Tuber Chohchrieh, da jied ya u Maham Singh Sumer kam u President yow pynlai ya kani ka kaam wei da em leh 5 ngut ki Member.

Kamtæ ha ka 26-09-25, u President da yoh u yachem wa u tre nan, u Elias Muksor chirup wa kiwa mihkhmat ka RCLP School, Mynsngat wei neiliang ka skur da pynsñiaw ko yei eh kamjooh i dooh nong iwa khroo neidaw wa ha ka 20-09-25 dadep theh dakha hapoh ka nan kamjooh leh dadep su ya ka dan tangwa da hap pyndam ya ka yakob khwe kawa da mut wow pynman ha ka 25-09-25 neidaw wa mih kiwa pyrchah na kiwa khwe ki wym pu em yoh Prize na ka yakhob khwe wa da pynman ha u snem 2024 ha kani ka jooh ka nan.

Related posts

Dawa ka JSM wow thung da ka takit wa kyrpang yei wym em Doctor heipor wa wanrah ya u Dr. Ricky cha ka CHC

February 25, 2026

Da ki spah ngut kiwa na Assam deilang ka JCB ki Truck wan tih moo pyrchah aiñ na ka wah Malidor

February 25, 2026

Neiliang u President dei mynsien wa sñiawkhia, dei sñiaw para bru da e laad u ya ka RCLP School wow pynman chisien donhi ya ka yakob khwe dakha ha ka 16-10-25.

Neiliang won u tre nan, u Elias Muksor da kular u ryngkat deiwa thoh wa taar (Agreement) wow chah ya u Maham Singh Sumer kam u President wow pynman u ya ka Fishing Competition deilang kiwi ki 100 ngut kiwa dooh Prize ha iwon iwon i por wa kwah ki. Tangwa ka Prize won kawa jop ki ha u snem 2024 ym yoh de ki ka.