Hajrong ka thong u pynbha chooh chooh yei rukom rep, katkam wa yah ka juk stat Science khamtam heiyatoh wa ki jait jhoor wa mih chapoh khyndaw (Tuber Crops), ynnin ka sngi ka ICAR-CTCRI da pynman ko da ka e sikai ha chnong Sohphoh, West Jaiñtia Hills chirup i yakrehlang waka ICAR RC for NEH Region, Umiam, Meghalaya waka KVK, West Jaiñtia Hills.
U Shanbha Rani, Joint Director ka chnat Horticulture, Directorate of Agriculture, Shillong, Meghalaya uwa da wan emlang kam u kongsan, hawa klam da pynsñiaw u hajrong i emkaam wow lai cha ki paidbah neibynta u pynku chooh chooh i stat i chemphang hajrong i rep jhoor khnang yow ku i rukom im ki warep hapoh ka jylla.
Neitæ da yaroh u yei kaam wa da leh ka ICAR-CTCRI wa kynthup i sikai wa da e ko cha ki warep kammon u pynmih symbe jhoor wa boonjait, kamjooh leh kammon u yoh ki bru ka jylla Meghalaya ya ki jait baam wa biang.
Neitæ u Dr. Manas Ranjan Sahoo, Head, Crop Improvement, u Dr. R. Muthuraj, Principal Scientist, u Dr. D. Jaganathan, Senior Scientist, ICAR-CTCRI wa u Dr. H.D. Talang, Scientist, ICAR RC NEH da klam ki hajrong ki phang waphær waphær wa yatoh wa ki jait jhoor wa mih chapoh khyndaw. Katwa ki bru napoh ka KVK wa ki FPO da pyndep ki yei leh burom.
Ha kani ka sngi da saam leh ki tiar wa ki symbe wa yahaap u pynemkam yow bha i rukom rep ya ki jhur wa mih hapoh khyndaw kam ki jait Sree Jaya, Sree Pavithra wa Sree Reksha In Cassava, Sree Arun, Sree Kanaka, Bhu Sona wa Bhu Krishna ha u Sweet Potato.
Ha kani ka e sikai da wan wow chim bynta kamwa 75 ngut ki warep, kiwa seiñ khih yong ki hi wa kiwi de.
Discussion about this post