Ka Free Health Camp heiyatoh wa i kjut chini wa pynman ha Maia Multi-Speciality Clinic Khliehriat haka 16 tarik uni u bnai da ka Physiotherapy Department yong ka North East Adventist University (NEAU), Khliehtyrchi chirup i krehlang ka Maia Multi-Speciality Clinic, Khliehriat da man ko kawa pynyoh myntoi ya kiwa boon ki paidbah khynnah wa waheh kiwa da wan mih cha kani ka thaw e sumaar neibhah ki Doctor wa em ha kani ka sngi da leh ki boon ki jait i e sumaar ya ki bru wa wan.
I rukom e sumaar kynthup nadooh i Test kjut chini, i pait ya ki thied kti thied kjat, neitæ da batai pynsñiawthooh ki leh kammon u sumaar yei kjut wa em ki wa kynthup nadooh i rukom baam yow yoh ki yei doh i pran iwa chait.
Da batai leh cha ki ya ki jait sumaar wa boon jait wa ye ki u yoh heiyatoh wa i kjut chini.
Ha kani ka sngi ki Doctor kiwa da em toh u Dr. Nichwa LS Nongtdu (MBBS,MD,FIDM,FIIM), Senior Consultant & Diabetologist, Ex-Senior Resident ka VMMC wa Safdarjung Hospital, New Delhi, Medical Monitor PV and Clinical Research ka Bharat Serum and Vaccine, Mumbai, u Dr. Robert John Nongtdu, uwa jooh man kam u Medical Officer ka Children Hospital san snem wei katni kam u Medical Superintendent ka Maia Multi-Speciality Clinic, ka Dr. Junita Kyndait (PT), MPT Neurology kawa man leh kam ka Head of Physiotherapy Department, NEAU, ka Dr. Clarity Marwein (PT) MPT in CBR, kawa man leh kam ka Asst. Prof. ha NEAU waka Dr. Algewazir Tlang (PT), Clinical PT yong ka Maia Multi-Speciality Clinic wa kiwi.
![](https://i0.wp.com/wyrta.com/wp-content/uploads/2024/05/stfyhgf.jpg?resize=960%2C540&ssl=1)
![](https://i0.wp.com/wyrta.com/wp-content/uploads/2024/05/stfyhgf4.jpg?resize=960%2C540&ssl=1)
![](https://i0.wp.com/wyrta.com/wp-content/uploads/2024/05/stfyhgf3.jpg?resize=962%2C491&ssl=1)
![](https://i0.wp.com/wyrta.com/wp-content/uploads/2024/05/stfyhgf2.jpg?resize=960%2C540&ssl=1)
![](https://i0.wp.com/wyrta.com/wp-content/uploads/2024/05/stfyhgf1.jpg?resize=960%2C540&ssl=1)
Discussion about this post