Ka pynsñiawthooh paidbah cha kiwa em ha sor kawa tip kam ka Urban Campaign yong ka Viksit Bharat Sankalp Yatra (VBSY) dapoi ko ha chnong Jowai ynne deiwa pynman yaka yalang ha madan Ladthadlaboh wei ka thong kani toh yow pynsñiawthooh ya ki Scheme yarap paidbah wa da e da ka sorkar India.
Kam chibynta kani, da wan leh ka kari IEC (Information, Education, Communication) Van heini heiwa da pynman yei pynsñiawthooh paidbah ya ki kaam pynroi wa da wanrah da ka sorkar pyrdi neibynta ka jylla.
Ha kani ka sngi da pynman leh yaka Free Health Check-up, i yaleh Aadhaar Card kamjooh i pynbait yeiwa bakla ha ki Aadhaar Card. Kiwa chong chnong da wan ki leh wow yoh ya ki Ayushman Bharat Health Card wei da chong ki leh yow ap yei pynsñiawthooh wa da pynman hapoh ka PM SVANidhi Scheme.
Da chim ki leh ya ka kular hajrong ka Viksit Bharat Sankalp Yatra, yow pynman yaka India kam ka ri wa da roi da paar kawa ye u pyndap pynbiang ya idæ kat ha u snem 2047. Da pynman leh ya ka Quiz hajrong ka phang Viksit Bharat Sankalp Yatra.
Ka Viksit Bharat Sankalp Yatra toh kawa da sdang da u Prime Minister, Narendra Modi haka 15 tarik u Khonchonglad (Nov), 2023 da ka thong wow lai pynsñiawthooh paidbah ya ki Scheme yow man ki kiwa jop nadooh i pynyoh paikhana, i yarap poisa, i pynyoh bordiñ, i pynyoh tadong LPG, i pynyoh yung ya kiwa dooh wa duk, i pyndap baam, i pynyoh baam da iwa tei wa i sumaar sukhær wa biang.
Kani ka Yatra da booh thong wow lai cha 2.55 lak tylli ki chnong wa em cha palatsor wa 3,600 tylli ki chnong wa em cha sor kat hadooh ka 25-01-24 deiwa poi cha kawi pa kawi ka District hapoh ka ri.
Discussion about this post