Ka NEHU Deen Dayal Upadhyay Community College, Wahiajer da pynman ko ya ka e sikai rwai sikai tem “Musical Troupe’’ wa kyrpang neibynta kiwa em sap khnang yow pynku yei sap rwai sap tem yong ki katkam wa yah ka juk ka por, neitæ u yarap e mynsien leh ya ki wot hadooh u joh bor ki u pynyoo yei sap wot cha baar ka jylla.
Ya kani ka e sikai da pynman nadooh ka 14 tarik hadooh ka 19 tarik uni u bnai, wei da wan chimbynta da kiwa boon ki khynroo khyllood kiwa em sap hei rwai i tem, wei em sakhiat i thrang i angnood u pynku chooh chooh yei sap.
Ka sngi pynkut da man i iwa jop lyngba i yoh kiwa chimbynta boon i sikai thymme, kamjooh na u Prasenjit Mishra uwa pynmih phlim wa bna naam uwa da man leh kam u bru chemphang ha kani ka sngi.
U Prof. Prabha Shankar Shukla, Vice-Chancellor NEHU wa ka Prof. S.M. Sungoh, Principal I/c, DDUCC da yaroh ki yei jop kani ka e sikai wow pynku yei sap deiwa wanrah leh ki jait sikai waphær waphær wow e laad ya ki khon khynroo khyllood u tip ki chaphang ka yaaw ka haat hapoh ka ri kamjooh cha baar ri.
Ha kani ka sngi u Sanat Solanki, Founder ka Tantra Alternate Media Group, Mumbai da wan emlang u kam u kongsan, wei hawa klam yaroh u yei chim ki kam kani ka jait e sikai ka wow pynku ya ki khynroo khyllood ka thaaiñ. Wei da pynchlur u leh ya kiwa chimbynta u chimkhia wei kreh chitom yei sap wa em ki khnang yow poi cha ka thong.
Da pynkut ya ka yalang dei klam e khublei na u Wolnish Rymbai, Programme Coordinator wei da saam Certificate cha kiwa pyndep yei chah sikai.
Discussion about this post