15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Yoh nong Bangladesh ka HYC War Jaiñtia kam chibynta i pynkrehkaam ILP ka CoMSO

0 Comments
Advertisement ad1
Advertisement ad1

Ka Hyniewtrep Youth Council War Jaiñtia Circle hadien wa pynbna ka CoMSO wow kynreh ya ki kot ki sla ki baar jylla, kamtæ ka seiñ nadooh ka 12 tarik uni u bnai ha ka sngi nyngkong da ksoh ko ya kawi ka kari Pickup kawa wan na Silchar cha Dawki ryngkat wa ki baar jylla ki wym biang ki kot.

Ya kini ki bru da lai booh noh ha Dawki Police Station. 

Ha ka sngi wa ar da pteiñ biang ya i kynreh ryngkat wa pulit. 

Hadien wa da pynjoor ya i kynreh ka HYC War Jaiñtia ynne ka 15 tarik won hapoh i yahkhmat u Publicity Secretary u Riki Mukhim da yoh u ksoh ya ki phaw ngut ki dkhar Bangladesh kiwa wan mylla sngi ha Dawki wei ya kini leh da yah cha Dawki Police Station.

Hajrong i roi ki dkhar Bangladesh ha Bakur wa ha yaaw Dawki, neiliang u President u Yoodahunki Shylla da ong wa ki dkhar Bangla da man ki kam ki jhep wa wan psiah tooh heithaw wow khayi ki ha chong wa ka ri yong ki donhi.

Kam ini da pynchlur i yei jia ha kini ki sngi wa dadep kam ha laad Darrang, neibhah ym pynbaad ya ki pulit tangwa da kyntu ya waroh wymtoh u e laad ya ki dkhar wow psiah chapoh kani ka thaaiñ.

Chooh chooh da ong u wa kat wympu pynkrehkaam ya ka ILP hapoh ka jylla neiliang ka seiñ u pynkrehkaam ko ya ka ILP hapoh i yahkhmat ka CoMSO.

Share this:
Previous

Pynkup burom ka KSU Jaiaw Circle ya ki 58 ngut kiwa lehbha haka puræ puthi

Next

Yachem ka KSU wa ka SBYWA neibynta wow yakrehlang ha thaaiñ khappood