Uwi u mrad khloo wa tip kam u Slow Loris da em wa chem oo hei miet ka 13 tarik uni u bnai na PWD Quarter Jowai heipor kamwa 7:00 waje da uwa sah ha ini i thaw hi.
Ya uni u Slow Loris da chem najan ka Top um ka PWD wa em ha ini i hi i thaw heipor wa dang dem u, wei neiliang uwa chem da rah noh u oo cha yung yow lait u jia iyi iyi ya uni u mrad.
Kamtæ da pyntip cha ka chnat Wildlife kiwa da wan wow chimkti noh ya uni u mrad heipor kamwa 11:00 waje i step yow leh ki yeiwa emkaam.
Uni u Slow Loris ymtip neiwon poi u wei ye u man uwa lait na i thaw wa kset oo. Wei kam wow pynkynmoo wa ini wa dep da em u Slow Loris uwa da yoh pynlait na Barato uwa da kit noh cha Salaroh, Jowai.
Puræ leh: Da yoh pynlait ya uwi u Slow Loris na chnong Barato
