Ka East Jaiñtia Hills District da yoh ko sa kawi ka madan Futsal wa da wai ynne ka sngi ha Dkhiah East kawa da chna hapoh ka District Mineral Foundation (DMF) Scheme yong u snem 2025-26 wei da wan wow wai paidbah ka da u MLA ka Khliehriat, u Kyrmen Shylla deiwa emlang u Sub-Divisional Officer (SDO)-Sadar, East Jaiñia Hills District, u Manish Kumar, ka MDC ka Rymbai Khliehriat, ka Violet Lyngdoh, u MDC ka Sumer, u Krison Langstang, ka District Sports Officer (DSO), East Jaiñtia Hills District, ka S.M. Rapsang, ki waheh chnong deilang kiwa chong chnong wa kiwi de.
U MLA hawa e yei klam da e khublei u ya waroh kiwa da emkti wei kiwa da e kyrchaan yow man kani ka kaam kawa jop deiwa pynrap wa oo toh uwa smat wow ap ya iwon iwon iwa da tyrwa neibynta ka roi ka paar ka imlang sahlang.
Da ong u leh wa deiwa em kani ka madan Futsal wa thymme daw yarap ko ya ki bru wow yoh ki yei chait i khiah wei ym em mut ko wa du neibynta kitu kiwa em yei sap yalehke yow pynpliah ki tangwa man ko leh ya kiwa da heh rta yow pynkhlan ki yei doh i pran ki.
Da kyntu leh ya kiwa chong chnong wow pynman ya kani ka madan kam wow pynmih poisa ya ka Dkhiah East Football Club deiwa chim ya ka bai yalehke deiwa booh yei dor wa khian yow pynemkaam won yow pynchna yeiwa sih wa pra hadien.
Discussion about this post