Yoh sa ka Nazareth Hospital Shillong ya ka poisa yarap wa Rs. 2 klur na ka sorkar

Kam chibynta i pteiñ yei e yarap poisa cha ki Hospital kiwa man kam ki Non-Profit Hospital ka jylla yow ye ki u pynbha pynmiat yei sumaar sukhær khamtam ya kitu kiwa dooh wa duk, neiliang u Montri Rangbah, u Conrad K Sangma ynne da e kti u ya ka Cheque wa Rs. 1 klur cha ka Nazareth Hospital, Shillong kam ka 1^st Installment hapoh ka Meghalaya Health Advancement Policy.

U Conrad hawa e yei klam da ong u wa ka Meghalaya toh kawa da booh boon dooh ka bhah ha ka mang tangka hawa nujor wa kawon kawon ka jylla hapoh ka ri wei kawa boon na kani ka poisa toh yow chna pynmiat ya ki thaw sumaar.

Da ong u leh kawi na ki thong toh wow pynyoh yei sumaar sukhær wa miat wa bha neibynta kiwa dooh wa duk wei deiwa ya krehlang wa kiwa boon ki Hospital da pynwandur ya kani ka Meghalaya Health Advancement Policy.

Kani ka e yarap ka sorkar toh Rs. 2 klur wei daw e sa Rs. 1 klur manda dep u pynyoo wa da pynemkaam ya ka bhah wa nyngkong kawa ye u pynemkaam nadooh wow thied tiar, u chna kamra, u pynbha ya kiwa da sih wa kiwi de.

Related posts

Lyngba ka Operation Sindoor ka India em ko i hok wow jubab hawa chah hiar thma ko: Rajnath Singh

May 7, 2025

Synran ka kari pulit ya ka Truck kit Coke hapyrdi i yakhih kiwa yah wa ki tre Truck

May 7, 2025

Ka Administrator ka Nazareth Hospital, Shillong, ka Sr. Noreen da pynsñiaw ko yei sñiawngooh ya ka sorkar wei da ong ko wa ya kani ka poisa daw pynemkaam yow thied ya ki tiar wow yarap u pynim ya kitu kiwa chah ktah joor heiwa daw thied ya ki Ventilator ha ka Emergency Trauma Unit, ha Maternity Care wa ka Neonatal Intensive Care Unit wei daw pynemkaam leh hapoh ka College of Nursing kawa ye u pdiang ya 100 ngut ha ka chi snem.

Kam wow pynkynmoo wa ka sorkar da jied ko ya 5 tylli ki Hospital wow yoh ya kani ka Rs. 2 klur kiwa kynthup ya kiwa em ha Garo Hills, Khasi Hills wa Jaiñtia Hills.

Puræ leh: ₹2 klur u e yarap ka sorkar cha ki Hospital wa e chakri khlem da yoh nong