15 49.0138 8.38624 1 0 4000 1 https://wyrta.com 300 0
Advertisement ad1

Yoh sikai ki 26 ngut yow pynkhreh man kam ki Referee

1 Comment

Jowai: Ki 26 ngut ki khynroo ka West Jaiñtia Hills District wa kynthup ya kawi ka kynthai da yoh ki yei sikai haka kaam Referee ha kine ki soo sngi kawa pynman daka West Jaiñtia District Sport Association deiwa ya krehlang waka District Administration WJHD wei ya kani ka e sikai da tip kam ka Referee Clinic cum Refresher Course.

Kani ka yalehke da sdang ko nadooh ka 5 tarik uni u bnai wei da pynkut ynne ka sngi ha Kiang Nangbah Stadium, Ladthadlaboh Jowai.

Da wan wow e sikai da ka Riiohlang Dhar FIFA Assistant Referee wa u Romania Syngkon, Head of Referee yong ka Meghalaya Football Association.

Ka rukom e sikai toh kawa kynthup yaka Practical wa Theory, heiwa yaka Practical da pyndep ha madan Kiang Nangbah Stadium hi kawa sdang nadooh i por 7 waje i step, katwa yaka Theory da sdang ha i por 10 waje ha yung krehkaam ka WJDSA.

Kini ki 26 ngut kiwa napoh ka WJH wa da pyndep yaka chah sikai daw hap ki wow yakhun won sa yaka Exam ka wow pynman daka Meghalaya Football Association deilang waka All India Football Federation yow man ki kam ki Referee wa da tipmit. 

1 Comment

  • November 9, 2019 at 1:13 am
    Sylvester

    Nga kwah o u join training referee. Kammon u leh o?

    Reply

Leave a Reply