January 12, 2020
0 Comments
Advertisement
Advertisement
Shillong: Uwa Bat ka Meghalaya u Dipu Sangma da yoh u yaka spah run wa nyngkong yong oo haka yalehke First Class Cricket haka Ranji Trophy pyrchah yaka Mizoram wa pynman ha Kolkata ynne ka sngi.
U Dipu Sangma haka Ranji Trophy chwa ynne ka kamai boon dooh u 36 Run, katwa ynne da yoh u 114 Run, kawa man kawi na ki le tylli ki 100 Run wa yoh ka Meghalaya yow kamai 414/4 hadooh wa kut ka yalehke ynne ka sngi. U Ravi Teja (119) wa u Sanjay Yadav (107) toh kiwa dang Bat.
Advertisement
Advertisement
Kam uwa Bat wa le, u Dipu Sangma da wan u hadien wa haap uwa wai yaka kamai Run, u Wanlambok Nongkhlaw (3) haka Over wa le, wei da kamai lang u 100 Run yaka Wicket wa ar wa u Tengchan Sangma (38). Hawa haap ka Wicket u Dipu Sangma da dat u 16 tylli ki 4 Run wa ar tylli ki 6 Run. Ini leh da man ko kawa heh dooh ka kamai Run wa ka spah run wa nyngkong da u tre chnong ka Meghalaya ha kani ka samoi ka Ranji Trophy.
Hadien wa haap u Dipu, u Teja wa u Yadav da kamai lang ki sa 192 Run chwa wow kut ka yalehke yow booh yaka Meghalaya hei bor wa khlan hawa lai cha sngi wa ar ka yalehke.
Advertisement
