Yoh takma ka India ha ka Breakdancing ka Olympics tangwa ka wym toh na ri India

Ha ka Paris Olympics 2024 ha ka sien wa nyngkong da pynman leh ya ka Breakdancing (Breaking) kam ka yakob heiwa ka bru wa tip kam ka India Sardjoe da yoh ko ya ka Takma Tama wei da man ko leh kawa nyngkong dooh kawa jop ha ka yalehke wa sdang ya kani ka yakob ha ka 9 tarik tangwa da rem noh ko ha ka Semi-Final ynnin ka sngi.

Kani ka bru pyrtuid donhi ko kam ka India tangwa kawa na ri Netherlands wei man ko kawa dang 18 snem kawa da chimbynta ha ka B-Girl Battle wei da rem ko da 2-1 ha kawa mihkhmat ya ka China katwa ya ka Takm Ksiar da yoh ka Ami Yuasa kawa na Japan.

Ha ki chynrang namo ka B-Boys Battles, da yoh Takma Ksiar da uwa na Canada uwa tip kam u Phil Wizard deiwa jop ya u Danny Dann uwa na France katwa ya ka Takma Tama da yoh u Victor Montalvo uwa na USA.

Kani ka yakob Breaking da yoh ko boon ki bru wa wan paitke ka tangwa ha ka yalehke wa nyngkong dooh wa chimbynta ka India pyrchah ya kawa yalehke ka Afghanistan kawa tip kam ka Manizha Talash, ka Manizha da chah Disqualify ko wot hadien wa rem ko neidaw wa sap u ya ka sula wa thoh ya ki kyntien ‘Free Afghan Women’ iwa pynman ya ka India wow jop ko ya ka yakhun wa nyngkong dooh kani ka Breaking.

Related posts

District Cricket League: Jop ka Young Lad’s ya ka Phramer

May 13, 2025

Deilang ki yakob rwai wei chaad ha ka yakhun Final ka 1st War Jaiñtia Invitational Football Tournament

May 11, 2025

Ha ka Olympics wa daw pynman ha Los Angeles ha u 2028 ym em jied ki wow pynman ya kani ka Breaking heiwa da jied ki da ka Skateboarding, Sports Diving, Surfing, Cricket (T20), Baseball, Softball, Lacrosse, Squash wa Flag Football.

Yow man ka yalehke kawa daw neh bait hapoh Olympics hap ko wow em ha le tylli ki Olympics khlem sangeh.