U Hame Shaniah Suiam sa chisien da wanrah burom u ya ka jylla deiwa yoh takma ksiar ha ka All India Inter University Kickboxing Men’s Tournament Championship 2021-22 wa pynman ha Dr. RMLA University, Ayodhya UP nadooh ka 20 hadooh ka 23 tarik uni u bnai.
U Hame Shaniah Suiam ha kani ka kynti da mihkhmat u ya ka NEHU.
Da yoh u ya ka takma ksiar deiwa pynrem ya ki soo ngut deiwa jop nyngkong ya u Dheeral Patel naka Sage University, Madhya Pradesh ha ka Round of 16 yow psiah Quarter Final deiwa jop won sa ya u Tejas DS naka Mysore University, Karnataka.
Ha ka Semi Final da jop u ya u Pothania Peaveen naka Andhra University, Andhra Pradesh katwa ha ka Final da jop u ya u Anshuman naka Chandigarh University, Chandigarh.
Ka kyrdan yalehke wa da yakhun u Hame Shaniah Suiam toh ha ka Point Fighting Men-57 Kg wei ini da man ko leh ka sien wa nyngkong wa jop ka NEHU ha kani da ka takma ksiar.
