Yoh u chirmit Lakadong yei tipmit lyngba ka Geographical Indication (GI) Tag

Ka Meghalaya Farmers’ (Empowerment) Commission da pyntip ko wa ka Lakadong Turmeric Cooperative Union Limited, Jowai hei kyrchaan ka Directorate of Horticulture, Department of Agriculture & Farmers’ Welfare ka sorkar Meghalaya da yoh ki yei tipmit lyngba ka Geographical Indication (GI) Tag ya u chirmit Lakadong ha ka 30-03-24.

U chirmit Lakadong toh uwa da pawnaam hei bha i miat u deiwa em u ya ka Curcumin kawa 7% hadooh 12% hawa nujor wa kiwi ki chirmit wa em da 2-3% wei ini toh iwa yarap yei chait i khiah kamjooh iwa pynbang yei baam wa chet wei man u leh uwi na ki mar wa pynmih na Meghalaya wa pawnaam bha.

Ini i pawnaam u heijooh i por da wanrah ko yei chim kabu ha kiwi kiwa da kam wa u chirmit wa dai ki toh u uwa na Lakadong hanla uwa da pynmih na kiwi ki jylla iwa da ktah yei naam u chirmit ka Lakadong.

Kamtæ neiliang ka sorkar deiwa ya krehlang ki chnat wa boon da sdang ki yei lai luti yow pynyoh yei tipmit GI ya u chirmit Lakadong soo snem nachwa itæ nadooh u Naichiphaw 2019 heiwa da thung da ka Committee wow thooh ya ka IPR Firm ka wow leh yeini yow yoh yei tipmit GI.

Related posts

Da chim ya ka Statement u pulit wa yah ya ka kari wa ya tyrrah wa ka thuk-thuk

November 24, 2024

Thung ka sorkar da ka Committee yow pynthymme noh yei rukom krehkaam ka MPSC

November 24, 2024

Hapoh uni u Geographical Indication (GI) da tipmit yei thaw wa da mih uni u chirmit, i miat i bha u wei kini ki GI toh kiwa da tipmit hapoh ka World Trade Organisation.

Da ini daw pyntikna ko wa ki warep daw ye ki u dai hei dor wa biang kamjooh daw yada i yei hok mantre ki ya u chirmit Lakadong.