Yoh u Everlasting Pyngrope ya ka National Teachers’ Award na ka President ka ri

Ka President ka ri India, ka Droupadi Murmu ynne da saam ko ya ka National Awards cha kiwa sikai wa em hapoh ka ri kam chibynta ka Teachers’ Day. 

Na Meghalaya ha uni u snem ya kani ka khusnaam da yoh da u Everlasting Pyngrope, Principal ka Myngken Christian Higher Secondary School, Ri-Bhoi District. 

U Evarlasting Pyngrope toh uwa da kreh chitom yow pynbha pynmiat ya kani ka skur khamtam yow kyrchaan ya ki khynnah wa duna hei doh i pran. Da man u leh uwa pynemkaam yei stat Information and Communication Technology deiwa pynemkaam ya ki Computer Lab deilang ki Smart Classroom yow e sikai deiwa pyrkhat kyrpang yeiwa emkaam ki khynnah wa man kyrpang deiwa pynbiang ya ki kot ki sla wa emkaam ki deiwa yarap ka District Social Welfare Department.

Ym du ini da yarap u leh ya ki khynroo khyllood ka thaaiñ kahmtam kiwa dooh wa duk ki wym yoh laad wow lai puræ chakhmat.

Related posts

Daw pynman ya ka General Meeting ka Kur Phawa Siangshai Papiah Lyngdoh-Phawa ha Ialong | Daw wai leh ya ka Office ka kur

February 20, 2026

Deiwa looid sula pynman yakhih ka Youth Congress ha ka AI Impact Summit

February 20, 2026

Ha uni u snem, neiliang ka Department of School Education & Literacy, Ministry of Education, da jied ki ya 50 ngut kiwa sikai skur yow yoh ya kani ka National Teachers’ Awards kiwa na 28 tylli ki jylla wa 3 ngut na ki UT deilang wa 6 ngut na ki seiñ.

Na kini ki 50 ngut da em 34 ngut ki chynrang wa 16 ngut ki kynthai wa 2 ngut kiwa duna hei doh i pran wa uwi wa kreh wa ki khynnah wa man kyrpang.

Najrong kini da em 16 ngut kiwa sikai na ka Department of Higher Education wa 16 ngut won na ka Ministry of Skill Development and Entrepreneurship kiwa da chah pynkup burom.