15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Pynkup burom u DGP ya ki 50 ngut ki pulit ka Meghalaya

Advertisement ad1
Advertisement ad1
Advertisement ad1

Ynnin ka sngi u Director General of Police, Meghalaya u R. Chandranathan, IPS, da pynkup burom u ya ki 50 ngut ki pulit hapoh ka kyrdan Silver wa Bronze cha ki pulit kiwa da leh yei kamram yong ki deiwa bha tam.

Ki pulit nadooh ki kyrdan Superintendent of Police cha poh da yoh ki da ka DGP Commendation Medals wa ki Certificate, kiwa da saam da u DGP hi neibynta ki sahep ka Eastern Range katwa ya ki sahep ka Western Range da saam da u A. Kumar, IPS, Dy. Inspector General of Police (WR).

Na ki 50 ngut ki DGP Commendation kiwa da saam ynnin ka sngi, 11 tylli toh ki Silver Commendations kiwa da e cha ki Superintendent of Police wa 39 tylli ki Bronze Commendation da e cha kiwa em kyrdan wa hapoh kini.

Ya kani ka pynkup burom da leh deiwa bood ya ki kyndon yada COVID-19 heiwa ki sahep ka Western Range wa New Delhi da chimbynta ki lyngba ka Video Conference, kiwa na Eastern Range da yoh ki wow emlang hapoh ka Police HQ, Conference Hall.

Da sdang ya kani ka pynkup burom da ki kyntien pdiang sñiawbha na u S.S. Kynjing, IPS, Inspector General of Police (A/HQ/F&ES/Communication), pynbood sa i kyntien wai phang na u Director General of Police katwa ya ki kyntien e khublei da yoh na u H. Nongpluh, IPS Addl. Director General of Police (SB/CID). 

Share this:
Previous

Yoh u Ferdinand waka Lorenza da ka Bruce Lee Excellence Award

Next

Wai ka sorkar yaka yaw Lay-By ha Ialong khlem da yoh bor na ka JHADC: Winning Sungoh