Shillong: Ka yung dorbar Meghalaya Legislative Assembly ynne ka sngi da yoh ko ya u Lamphang wa thymme, da u MLA ka Mairang Constituency uwa man leh u President ka United Democratic Party (UDP), u Metbah Lyngdoh uwa da mihsalan ya u Lamphang wa da khlaad noh u Dr. Donkupar Roy.
U Metbah toh uwa da jop la le sien kam u MLA na Mairang wei ynne da jop u ya ka Election Lamphang ha ka yung dorbar wa da pynlai da u Symbood Lamphang, u Timothy D Shira wei da jied deiwa thap vote da ki 58 ngut ki MLA ka jylla.
U Metbah da mih u kam u kyrtong monlang ka sorkar synrop Meghalaya Democratic Alliance (MDA) kawa em 40 ngut ki MLA wei da pynrem noh u ya u kyrtong wa yakhun pyrchah yong ka Congress kawa em 19 ngut ki MLA, u Winnerson D. Sangma. Ha ini i jied ya u Lamphang u Metbah u da jop u ya u Winnerson deiwa tam 20 Vote wei da yoh u 39 la 19 Vote.
Hadien wa chimkti kam u Lamphang neiliang ki MLA wa kynthup ya u montri rangbah, u Conrad K Sangma, uwa yahkhnat ka liang pyrchah, u Dr. Mukul Sangma wa kiwi da e khublei kitbok ki ya u Metbah.
Discussion about this post