Yoh u Neeraj Chopra ya ka takma ksiar wa nyngkong ya ka India ha ka Tokyo Olympics

Ynne ka sngi u khloor yalehke Javelin Throw ka ri, u Neeraj Chopra da yoh u ya ka takma ksiar ha ka lympung yalehke Olympics ha Tokyo, Japan. 

U Neeraj uwa dang 23 snem i rta na Panipat, Haryana ynne ha ka Final da pakhot u ya u soom ha i jngai wa 87.58 M

Ya ki takma wa bood won da yoh da u Jakub Vadlejch wa u Vitezslav Vesely na Czech Republic heiwa da yoh ki ya ka takma rupa wa takma tama.

Related posts

MSL 5: Jop ka Shkenshynriah wei rem ka Langsning | Yoh Hat-Trick u Iaishah Bareh

May 21, 2026

MSL 5: Jop ka Shkenshynriah ya ka Maram

May 19, 2026

Kani man ko ka takma ksiar wa nyngkong ya ka India ha ka Tokyo Olympics wei u Neeraj da man u uwa ar na ki bru samen wa yoh takma ksiar ha ki lympung Olympics hadien u Abhinav Bindra ha ka Beijing Olympics 2008.

Wa kani ka takma ksiar wa yoh u Neeraj, da man ko ka sien wa boon dooh i yoh takma ko ha ki Olympics heiwa waroh ki takma wa da yoh ka ri man ki 7 tylli neibhah ha ka London Olympics 2012 ka ri da yoh ko 6 tylli ki takma.