theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Booddien ka EJNC yei dawa pynchna ya u sarok hapoh Elaka Sumer

Advertisement ad1

Kam chibynta wow booddien yei dawa yong ka East Jaintia National Council (EJNC)-Sumer Circle wow pynchna wei wow siangrong noh ya u sarok wa lai lyngba ki 4 tylli ki chnong kiwa kynthup ya ka Pala, Kseh, Muknoor wa Khahnar kiwa haap hapoh ka Elaka Sumer. Neiliang ka EJNC-SC, da lum ko da ka yalang ya kiwa yahkhmat ki chnong wa Elaka wow ya chong pyrkhat hajrong i chah ieh khonshwet yong ka thaaiñ khamtam hawa yatoh wa i sih palat u sarok uwa lai lyngba ki soo chnong.

Ya katai ka yalang da pynman ha Community Hall ka chnong Samasi wei da pynlai ya ka da u Sakilan Chyrmang, President EJNC-SC wa da ya chimbynta da u Sambormi Lyngdoh, President EJNC-CEC, u Khmihlynti Mannar, Acting Sordar, Elaka Sumer, u Shemphang Pakem, Waheh Chnong Pala, u Leo Pasleiñ, Waheh Chnong Khahnar, u Starship Pasleiñ, Waheh Chnong Kseh, u Kynmo Chyrmang, Waheh Chnong Samasi wa uwi na kiwa yahkhmat niam katai ka thaaiñ.

Neiliang kiwa chimbynta ha katai ka yalang nadooh u Acting Sordar, Elaka Sumer hadooh ki Waheh Chnong wa kiwi kiwa da chimbynta lang da pynsñiaw ki wa hadooh kini ki sngi ym jooh chongngiah wow booddien wei wow pynsñiaw cha kiwa mihkhmat yong kani ka thaaiñ hajrong i eh kiwa ki paidbah da ya tyngkhooh ki neibhah wa da sih palat u sarok wa lai lyngba ki 4 chnong wei da dep pynsñiaw ki leh cha ka chnat PWD wa smat ki wow e thaw dei mynkna lada emkaam neibynta wow pynchna wei siangrong ya utai u sarok, tangwa iwa sñiawsih toh wa hadooh katni ya ini i angnood yong kiwa chong chnong wow yoh noh ya u sarok wa bha wa miat da sah du ha i yaklam.

Neibynta wow pynkhlan yei dawa, neiliang kiwa chimbynta ha katai ka yalang da e yumut ki ya ka EJNC-Sumer Circle wow pynman da ka rynsan ya phyllu yumut (Discussion Panel) deiwa khut lang yaki MLA, MDC, ki Synjuk Waheh Chnong, kiwa synchaar Elaka, kiwa yahkhmat niam wa kiwi kiwi, heiwa neiliang kiwa yahkhmat yong ka EJNC-SC da pynsñiaw ki wow khut daka yalang kawa kyrpang wow pyrkhat hajrong kani ka phang wa da e yumut.

Share this:
Previous

Yoh u Neeraj Chopra ya ka takma ksiar wa nyngkong ya ka India ha ka Tokyo Olympics

Next

Beh ka JSM ya kiwa leh kam kiwa dai dawai ha Ladrymbai