30 tylli ki seiñ ki warep namo ki Producers Group kiwa em hapoh ka Mylliem C&RD Block da yoh ki yei yarap poisa hapoh ka FOCUS (Farmers’ Collectivization for Upscaling Production and Marketing Systems) Scheme ynnin ka sngi ha ka yalang wa pynman ha MAMTEI, Upper Shillong. Heiwa ka poisa waroh wa da yoh yarap dapoi ko T. 23,50,000.
Ya ki Cheque da saam da u Lambor Malngiang, uwa man kam uwa e buit u Montri Rangbah ka jylla uwa man leh kam u MLA kamjooh u MDC ka Nongkrem Constituency deiwa emlang u P. T. Passah, BDO Mylliem C&RD Block.
U Lambor Malngiang hawa e yei klam da yaroh u yei kreh chitom ki warep deiwa ong wa emkaam wow pynman yei pynsñiawthooh ya ki warep chaphang kiwa boon ki Scheme wa ki laad yarap neibynta yong ki yow pynku yei bor rep. Da kyntu u leh ya ki wym toh u tieñ u chim ram, deiwa ban joor wa emkaam wow pynkhlan ya ki warep ha kylleiñ ka jylla deiwa kdaw leh yei emkaam wow chna baam ya ki mar rep yow kynrong yei nong wei ini daw e kreh i ya ki khynroo khyllood ka jylla. Da khana u leh yei thmu yow chna ya ka thaw booh mar rep yow lait u pyut namo ka Cold Storage yow myntoi ki warep ka Nongkrem.
Ka FOCUS toh kawa da sdang ha u 2021 da ka sorkar jylla yow yarap ya ki warep hapoh ka jylla deiwa e yarap cha ki Producers Group, u yarap pynpoi cha ki yaw ki haap ya ki mar rep wa kiwi kiwi de. Hapoh kani ka Scheme da e yarap T. 5000 uwi u warep wa em hapoh ka Producers Group.
Ha kani ka sngi da pynman leh ya ka ya phyllu yumut hapyrdi ki warep wa ki sahep sorkar.
