I chlai um wa yoo chyrkhei da jia i ynne ha khappood ka Nepal wa China heiwa 17 ngut ki bru da yap ki, kiwa wiar da em ki kamwa 400 ngut heiwa 105 ngut toh kawa na India wei i chlai um toh nei kmai syndet ka wah Bhote Koshi kawa da rah da rong ya ki yingkieñ, ki yung ki sem ki bru dei bor i ktieh, ki moo, ki dieñ kawa da lymbub naphang ya kiwa em ha luti ko.
Kani ka wah toh kawa wan na Tibet wei ha i Video wa da riñ da ka CCTV neiliang China, da yoo ya ka um wa heh bha kawa da tymmoh yei yung wa jrong ym duna san mala heiwa da yoo ya ki bru wa yut ki katwa ye ki yow lait im.
Rap ha wah, kani ka um da kit ko yei thaw pynyieñ kari kawa em boon tylli ki Bus deilang ki kari.
Kat u poi ko cha Nepal da rah ko ya ki yingkieñ deilang ki yung ki sem ki bru.
Da suba wa da jia ini i heh um toh hadien wa em u khmi wa khih ha Tibet heiwa da wanrah yei haap ka yor u thah na ki loom wei hadien wa kylla um ki da pynheh ki ya ka wah Bhote Koshi.
Hei thooh ya kiwa chah ktah da ye wow pynlait im ya ki 12 ngut.
Neiliang ka China leh da pyntip ko wa em boon bha iwa chah ktah.
Ka Nepal Tourism Board da ong ko wa dang thooh ya ki 291 ngut ki Tourist wa 93 ngut ki Nepalese.
Kiwa wiar kynthup ki ya ki bru kiwa na UK, USA, Malaysia, South Africa deilang kiwa na India.
Discussion about this post