U MDC ka Barato-Mukroh u Aiborlang Shadap da pynsñiaw u yei yoo wyrai wow pait ya ki tiar yaleh ki pulit ka Meghalaya kiwa yang ha khappood ha thaaiñ Lapangap neibhah wa da rim bha ki.
Hawa yaklam wa kiwa thoh khubor ynnin ka sngi hadien ka takit ka Inquiry Commission ka Meghalaya ha Shillong, u Aiborlang da ong wa ki pulit ka Assam da kieñ ki da ki tiar yaleh kiwa yoo khaaiñ bha katwa ki tiar yaleh ki pulit ka Meghalaya won da yoo wyrai, da yoo sarom wei da ksoh ki da ki dieñ donhi.
Da ong u wa u bha chiboon ya ka sorkar Meghalaya wow e ki tiar yaleh kiwa khlan katkam kani ka juk wa katni wow sonteri ya ka thaaiñ khappood khnang wow wanrah yei chngaaiñ ya ki paidbah wa im cha kini ki thaw.
Discussion about this post