Jowai: Ynne ka sngi katkam ka yutip na ki paidbah da ong wa da em i tyrrah kari heiwa kawi ka truck kit phniang kawa em ya i number AS-01EC-7860 heipor kamwa 4:00 waje i janmiet da yooh ko ya kawi ka kari Maruti Gypsy wa em ya u number ML-04A-5147 hadooh wa da bi ko snap ha khyndaw.
Kani ka truck da tyrrah ko ya uwi u chrot bordiñ hadien wa yooh ko ya ka Gypsy hadooh wa da yap noh ka bordiñ ha Lumshnong.
Du hadien wa jia ini ki paidbah da mih ki wow diang phniang wa liat na kani ka truck wei embhah ym em iwon iwon i jia heipor wa diang ki yei phniang.
Kani ka kari Gypsy won toh kawa pynyieñ harood sarok wei man ko kawa thylli wei u tre kani ka kari toh uwa na Lumshnong hi.
Ka truck toh kawa wan neiliang Jowai wow lai cha Silchar wei ini da jia i hajan ka Meghalaya Rural Bank wei da suba da jia neidaw wa sih u brake kani ka truck.
Da suba leh wa i phniang wa kit kani ka truck toh i phniang neibynta ki lieñsuiñ. Chooh chooh da yoh yutip leh wa ya kani ka truck da wan kit noh ya ki.
Neiliang u Wyrta daw pyntip chooh chooh i cha phi hajrong ini i jia waroh.
Discussion about this post