U Montri wa pait ya ka chnat Kaam Pohyung ha ka jylla, u Lahkmen Rymbui da pynsñiaw u yei yooluti wa ki kaam pyrchah aiñ ha ki kaam khayi mooyong daw duna wei daw wiar noh ki hadien wa sdang i dai lilam ya u mooyong wa 2 lak metric ton da ka Coal India Ltd.
Da ong u leh wa ym ye wow lait na ki kaam pyrchah aiñ, tangwa toh leh i kaam yong ka sorkar wow khanglaad ya kiwa leh pyrchah yaka aiñ.
Chooh chooh da ong u wa ka chnat pulit wa ki bor pynlai District da leh ki yei kamram deiwa lai pait na i por cha i por, tangwa da ong u leh wa ym man iwa suk wow yoh kem ya kiwa leh pyrchah yaka aiñ neibhah wa duna ki bru ha ka chnat pulit, wei neiliang ka sorkar leh daw chim ko ya ki laad ki luti wow pynpsiah kaam thymme ha uni u snem wa kynthup ya ki kaam wa chah pynsangeh ha u snem wa da dep.
