Shillong: Hadooh ynne ka sngi ka sorkar jylla dang yooluti ko wa sa du ya kawi donhi ka Test wow ye u pynbna noh wa ka Meghalaya da lait ko na u khniang COVID-19.
Neiliang u Symbood Montri Rangbah ka jylla, u Prestone Tynsong da ong u wa napyrdi ki 11 ngut kiwa da chah ktah ha u COVID-19, da em 10 ngut wa da dep Test ya ki nongmuna (Sample) la ar sien heiwa da chem wa uni u khñiang da yap u namo ym em de u ha i doh i pran yong ki deiwa pyntip leh wa sa ya ka Report yong kawi heiwa daw yoh myntu i miet namo mynstep i step.
Heijooh i por da ong u leh wa da yooluti wa ka sorkar u pynbna ko wa ka jylla u man ko kawa da lait na uni u khñiang.
Neiliang u Director of Health Services ka jylla, u Dr. Aman War da ong u wa hanlada kini ki 10 ngut da kheiñ wa ym em de ki ya u COVID-19, tangwa ka chnat da phah ko ya ki wow pyndep biang ki sa 14 sngi ka Quarantine ha yung.
Discussion about this post