Jowai : Da mih pa mih ka khubor hei yatoh wei sangeh i kreh ya ka yingkieñ Kureliya kawa em hajrong ka wah Myntang weiwa ki seiñ waboon da beiñ ki yeini i phah sangeh yei kreh ha ki bor Pulit ka Assam iwa da ktah joor ya ki paidbah wa sah ha chilliang ka wah Myntang.
Hei yatoh weini ha kini ki sngi wada dep nyngkong da em i chna ya ka yung trep kawa da yoh yutip wow sah ki pulit yow yada ya kiwa kreh nei chah pynthut i rukom kreh ha kani ka yingkien, tangwa hanlada kattæ leh ympu ye u pteiñ yei chna ha kani ka yingkieñ.
Katkam ka khubor wada yoh na ki kattu katni ki bru kiwa sah ha kini ki chnong wa em ha rood ka wah Myntang da ong wa ha kini ki sngi wada dep da em i tei ha ini i thaw cha chilliang ka wah hajan i yung trep wa da chna yow chong wow yada ki pulit ya kiwa kreh.
Hei yaklam wa uwi na kiwa chong chnong da ong u wa ini i tei wada pynemkaam da ki poohchiloom yoosar katkam wa sñiaw ki toh wow chong ki pulit ka Meghalaya yow e yada ya kiwa kreh ha kani ka thaw kamjooh leh wow e yada ya ki bru khappood.
Da pyntip ki trechnong wa katkam wa sñiaw ki ye leh u sdang noh i kreh ha kani ka yingkieñ du hapoh kini ki sngi wa daw wan.
Hei yatoh wa ini hei yaklam wa kiwa heh ki bor District da ong ki wa ympu ye ki u ong iwon iwon hei yatoh wa ini waroh kiwa da pyntip ki tre chnong.
Discussion about this post