U khlieh ka liang pyrchah ha ka jylla, u Dr. Mukul Sangma ynne ka sngi da yoosuk u wow yoo wa ki seiñ saiñpyrthai wa emlang ha ka sorkar Meghalaya Democratic Alliance (MDA) da pynbaad ki ya kiwa boon ki kaam hajrong ki phang krehkaam ka sorkar deiwa ong wa ka sorkar hap saitkhooid ko ya i pynbaad waroh, ym toh deiwa phah wanrah sakhi.
Da kylli u leh ya i daw wa em i yaphær ha ki seiñ saiñpyrthai ha ka sorkar deiwa ong leh wa lada i kaam toh hajrong i kaam baam-tooh ka sorkar toh u pynkhooid ko wei wow phah takit hawa em i pynbaad, wei ym ye ko wow ong bait wow wanrah sakhi neibhah ya ki sakhi emkaam manda lai ka takit.
U Dr. Mukul da ong u wa i pynbaad ya ka sorkar ym toh du na ki seiñ saiñpyrthai, wot nadooh kiwa boon ki kynhun, iwa pynyoo wa em bait iyi re iyi, tangwa iyi wa emkaam katni toh wa ka sorkar toh u klam che ko, lym kamtæ mut wa muhrieh ko iwa man pyrchah yei myntoi ki paidbah ka jylla.
I ya pynbaad hapyrdi ka NPP wa ka BJP kiwa emlang ha ka sorkar, da wanrah ko yei sñiaw na kiwa boon kiwa yahkhmat ka BJP ha Garo Hills wa daw yarap i ya ka Congress ha ka Election MDC cha GHADC, heiwa da mih leh i pynbaad wa ye u em iyi iyi cha kylla hapyrdi ka BJP wa ka Congress neibynta katai ka Election.
