Yow khooid ka chnong Jowai khat ka JNV yei jhep na Iawmusiang

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Jowai : Ka Jaiñtia National Volunteer (JNV) deilang wa ka Women’s Wing yong ka ynne i step da ya mih lang ki cha Iawmusiang yow pynkhooid yei jhep wa lang cha rood sarok nadooh na ka sur H.K. Singh hadooh ha Gate Laban iwa da lang nadooh wa yakhih ki wakreh ka municipal.

Ki dkhot ka seiñ ong ki wa ka Iawmusiang man ko kam ka yung chetja wei lada ym leh khooid ko ye ko u pynmih boon ki kjut.

Kamtæ ki dkhot ka seiñ chynrang wa kynthai deilang wa ki saroo wa belcha ha kti dang step da sdang ki u pyllang ya ki jhep wa mih na ki dukan, na kiwa chong dai cha rood sarok wa na ki paidbah wa lai wa wan kiwa da lang ha waroh ar liang u sarok wei da kit ya ki da ki le tylli ki truck pick-up hadooh le kyrwit wei da li noh cha i thaw noh jhep yong ka Municipal.

Ya ki jhep wa lang ha lad Wahnangbah wa ha i thaw psiah cha Iaw de ieh ya ki neibhah katni da sdang ka JHADC u kit ya ki.

Ka seiñ leh da pyntip ko wa yeini i pynkhooid iaw daw leh chisein chi tayaw katwa ym pu sdang biang ka Jowai Municipal u kreh.