Ka sorkar Meghalaya da mynjur ko yaka State Health Policy kawa da e pyrtuid MOTHER (Measurable Outcomes Transforming Health sector through a holistic approach with a focus on women’s Empowerment). Kawa man leh ka Health Policy kawa nyngkong ka jylla.
Kani ka Policy toh kawa da pynkhreh heipor wa em ka khlam COVID-19 kawa bood leh yei yah luti ka National Health Bill, 2009, National Health Policy 2017 (NHP, 2017) waka National Public Health Act, 2018 (Draft) deiwa booh ya ki kyndon wa kyrpang kiwa yahap wa iwa emkaam ka jylla.
Kani ka Policy ka jylla toh kawa em ki le tylle ki chrot wow yada, wow pynchait wei wow yarap.
Da chna yaka leh hajrong i hok wow yoh yei sumaar sukhær ya waroh khamtam ya kiwa dooh wa duk wa kiwa tlot bor.
Da ban joor leh yei emkaam wow pynpoi yei sumaar cha ki thaw wa cha kdong cha chmiang dooh deiwa pynkhamkti yow embynta lang waroh ki chnat wa toh u pait ya ini i kaam ha ki kyrdan PHC/CHC.
Ka Policy da mang ko leh wow pynemkaam yei stat Artificial Intelligence kiwa daw yarap u pynbniah yei kaam sumaar.
Ha ka Policy da booh yaka thong wa kyrpang wow e yei sumaar nadooh wa dang khian kawa da e pyrtuid Early Childhood Development Mission iwa daw pait yei wym biang baam, i wym heh wym san deiwa biang yow yoh yaka mynried kawa mihsoh.
Sa kawi ka thong toh wa katkam ka yukheiñ ha Meghalaya wa i yooluti wa ye ki bru u im (Life Expectancy) toh 62.3 snem iwa duna ya iwa hapoh ka ri iwa 68.8 snem. Kamtæ ka Policy da booh ko leh ya ka thong wow pynkylla noh ya ini ha kini ki 5-10 snem. Deiwa pynku yei snem wa ye ki bru wow yooluti u im cha ka 70 snem kamjooh wow pynduna yei yap kiwa dang kha khon, kamjooh ki khon kiwa dang kha kiwa tip kam i Maternal Mortality Rate (MMR) wa Infant Mortality Rate (MMR) kamjooh leh wow pyndooh leh yei yap kiwa dang khian nei kjut klongsnam, Cancer, kjut chini wa kiwi kiwi.
Ka jylla daw chna ko leh yaka State Public Health Authority (SPHA) ka wow pait yei pynkrehkaam yaka Policy.
