Dadenggre : U Chief Minister ka jylla u Dr. Mukul Sangma da wai paidbah u ya ka thanat wa tip kam ka Damal Asim Police Station ynnin ka sngi kawa haap hapoh ka Dadenggre Civil Sub-Division, West Garo Hills District hei emlang u Clement Marak, Minister, Forests & Environment, etc, ki Parliamentary Secretary kam u Limison D. Sangma wa u Noverfield R. Marak, ka Chairperson, State Development Reforms Commission ka Bluebell R. Sangma, u DGP, Dr. S. B. Singh, wa kiwi kiwi.
U Dr. Mukul hei klam da ong u wa da u dei mynsien wa kmen wow wai ya kani ka Damal Asim PS kawa man leh iwa da thrang da angnood ki paidbah ka thaiñ da slem bha neibhah wa ki paidbah na kani ka thaiñ da ieh ki chadien ya i rep i riang neidaw ki kaam ki seiñ kieñ suloi deiwa lai thooh khih cha kiwi ki thaw.
Da ong u wa ha kini ki snem wa da lai da sdang uiñ biang ki cha chnong wow rep neibhah sñiaw chngaaiñ ki du neidaw wa daw em kam kani ka thanat kawa da e mynsien ya ki.
Chooh chooh da klam u chaphang i eh i khoo wa yachem ki sahep sorkar na ki kaam ki seiñ kieñ suloi, heiwa da ong u wa kini waroh daw hiar ki neibhah wa ki pulit daw sonteri bha ki ha ki chnong khnang wow ye ki sahep u pyndep yei kaam yong ki.
Da klam u leh chaphang i ku ki kaam rep ha kini ki thaiñ katni iwa dang ku kat dang lai ki sngi wei da pynkynmoo u leh ya ki paidbah ya ki kaam yarap wa ye ki u yoh na ka sorkar ha ki kaam rep.
Kiwi kiwa da klam ha kani ka sngi toh u DGP Dr. S.B. Singh, u SP ka West Garo Hills, u Dr. M.G.R. Kumar, IPS wa kiwi kiwi katwa u DC ka West Garo Hills u Pravin Bakshi da puræ u ya ka hukum wa ekti ha u Officer-in-charge ka Damal Asim Police Station.
Discussion about this post