U Thomas Passah da pynsñiaw u yei chrai hajrong i wym yoh laad wow yachem wa u Chief Minister ka jylla, u Conrad K Sangma wot hadien wa da phah pyntip næ paan Appointment da boonsien.
Da ong u wa ini pynyoo ko wa lada kwah wow yachem wa u CM hap wow tipmit ya ki bru kiwa yajan wa oo.
U Thomas Passah uwa man uwa e ktien ka Hynniewtrep Border Dispute Redressal Forum (HBDRF) ryngkat wa u Chairman ka Forum, u C. Sungoh da lai ki wow rah yei eh ki paidbah khappood hakhmat u Conrad ynne ka sngi, tangwa ym yoh laad ki wow yachem wei yaklam wa oo.
Hawa pynsñiaw yei sñiawdiaw ya ini wym yoh laad, u Thomas da ong u wa man iwa sñiawsih, neibhah wot hadien wa phah ya ka chithi wow yoh yachem ya u Montri Rangbah, ym jooh yoh jubab lada bien næ ym bien u wow yachem wei ka yung krehkaam yong oo leh ym jooh bien ko u ong iyi iyi.
Discussion about this post