Jowai: Uni u Moohati em u haka dong Chilliang Raij kawa jooh khut ki ka Khon Raij mynchwa. U Moohati kamwa tip i toh u wi na ki moo uwa ker wa kah ia ka dong tawiar takan blai chnong blai thaw. Uni u moo hawa peit i ia oo da mih dur thij kam i khlieh iong u hati.

Ha ini ithaw wa em uni u moo da pynkhooid pynjngiar da kani ka dong wei katni da ker dei ker ia o. I thaw em u ni u moo toh ha jen iung ka kong Phrina Shylla ka luti wow ku na Moosyiem cha Khlieh Chnong.

Dang haki por tynde lada em ki bru wa mut u pynsih pynroi ia kani ka dong, uni u moo da kbai da kyrha u wei da pychitom u ia kam kitæ ki jait bru. Uni u moo da man u kam u chrood skit iong kani ka dong dang haki por hyndai.

Hapoh kani ka dong dang em leh sa uwi u moo uwa ker wa kah ia kani ka dong ute toh u Moosyiem u wa jooh em ha jen aitnar ha jen i iung chongke wa chna u Bishnuram Medhi uwa jooh man kaam u Chief Minister ka Assam nadooh 1950-1957.

Ia uni u Moosyiem katni ym yo de i oo, kopsar ki bru wym tip haka juk thymme katni da tymmoh ki oo chapoh khyndaw, weiwa katni ia i te i thaw chong u Moosyiem da chna pynmiat daka khyndaw bilat.