Ka Laskeiñ Block Badminton Association (LBBA) West Jaiñtia Hills da e khublei ko ya ka West Jaiñtia District Badminton Association, Jowai kawa da jied ya ki 11 ngut wow lai chimbynta ha ka Meghalaya Games 2022 nadooh ka 3-6 tarik uni u bnai ha NEHU Indoor Hall, Shillong.
Heijooh i por leh da kitbok kitrwiang ya kiwa chimbynta ka West Jaiñtia Hills District wow wanrah ki yei naam jop wei burom ym du ya ka Association tangwa khamtam ya ka District hi waroh kawi.
Waroh kiwa mihkhmat ya ka District hapoh ka West Jaiñtia District Badminton Association da em ki 26 ngut ki kynthai wa chynrang.
Kani toh katkam ka Wyrta na u General Secretary, Laskein Block Badminton Association.
