Kiwa dang yoh COVID-19 ha Meghalaya hadooh 1 waje i sngi ynne ka 15 tarik da em ki 172 ngut, kiwa dang chait 39 ngut wei da em sa uwi uwa yap katkam wa pyntip u DHS(MI) u Dr. Aman War.
Na kiwa dang yoh ha East Khasi Hills da em ki 74 ngut (chipai-21, paidbah-53), Ri Bhoi 23 ngut, East Jaiñtia Hills 61 ngut, North Garo Hills 1, South Garo Hills 1, South West Garo Hills 2, West Garo Hills 9, West Jaiñtia Hills 1.
Na kiwa dang chait da em ha East Jaiñtia Hills-3, East Khasi Hills-10, Ri Bhoi-1, South Garo Hills-1, West Garo Hills 24.
Uwa dang yap ynne ka sngi toh uwa tip kam u Gopal Chandra Baghdas (67 snem) uwa na Cantonment Jhalupara. Ya uni da li booh ha Civil Shillong haka 12 tarik uni u bnai heiwa da Test pyn ha kani ka sngi wei da chem wa da yoh u ya u COVID-19.
Da khlaad u ynne i sngi heipor 3:35 wei toh uwa em kjut Diabetes wa Hypertension heiwa ya uni da sumaar hapoh COVID ICU tangwa da khlaad noh u naka Acute Respiratory Distress Syndrome (ARDS) deiwa yoh leh yaka COVID-19 Pneumonia.
Ki bru paidbah kiwa yoh dang thymme ynne ka sngi da em ha East Khasi Hills 42 ngut ki High Risk Contact, 4 ngut ki Health Worker wa kynthup ya 1 wa yah kari ha Ganesh Das Hospital, 1 Doctor wa 1 Nurse Woodland Hospital, 1 uwa ym pu tip uwa kreh heiwon tangwa uwa kreh Hospital, 1 Lab Tech ha DMHO wa 1 uwa yah kari ha DMHO, 4 ngut kiwa liwan na baar jylla wa 3 ngut kiwa yoh SARI. Ha East Jaiñtia Hills to 61 ngut napoh ka Star Cement Cluster. Ha North Garo Hills 1 High Risk Contact. Ha South Garo Hill 1 wa liwan. Ha South West Garo Hill 2 ngut kiwa liwan. Ri Bhoi 21 ngut ki High Risk wa 2 ngut ki Health Workers. Ha West Jaiñtia Hills toh 1 High Risk Contact.
Kiwa dang em ya u COVID-19 man ki kamni ha wah:
East Khasi Hills-1187 (chipai-260, paidbah-927)
West Khasi Hills-14
South West Khasi Hills-5
Ri Bhoi-152 (chipai-47, paidbah-105)
West Jaiñtia Hills-14
East Jaiñtia Hills-203
West Garo Hills-183 (chipai-72, paidbah-111)
South West Garo Hills- 10
South Garo Hills-20
East Garo Hills-17
North Garo Hills-13
Waroh kiwa dang em ya uni u khñiang da em ki 1818 ngut, kiwa chait da em ki waroh 2190 ngut wa 29 ngut kiwa yap.
Ki nongmuna kiwa da phah Test da em 1,17,518 katwa kiwa man Negative da em ki 1,13,184 tylli wei dang yang yaka Result ki 298 tylli.
Kiwa da psiah chapoh ka jylla da em ki 36570 ngut.