Ka 1st Division Football Tournament 2023 ka Saipung Block Sports Association (SBSA) da lai ko chakhmat heiwa ynnin ka sngi da pyndep 3 tylli ki yalehke.
Ha ka yalehke wa nyngkong, ka Lelad SC da jop ko yaka Mokhain SC da 2-1.
Ya ki kool ka Lelad da thap da u Pynskhem Dhar haka minit wa 31 wa u E. Rupon haka minit wa 53 katwa ya ka Mokhian toh kawa dei thap bakla namo ka Own Goal.
Ha ka yalehke wa ar, ka Pala SC da jop ko yaka Rising Star FC da 3-0 da ki kool wa thap u Chipson Dkhar haka minit wa 9, u Seven Pakem haka minit wa 18 wa u Bren Dkhar haka minit wa 42.
Ha ka yalehke wa le, ka Daistong SC da jop ko yaka Sohiong FC da 1-0 da ka kool wa thap da u Dame Tariang haka minit wa 60.
Ki yalehke wa bood daw pynman ha ka 25 tarik hapyrdi ka Khaidong SC waka Shnongrim-B heipor 10:30 i step, ka Thuruk SC waka Mulait Brisumer heipor 12:15 pyrdi sngi wei daw pynkut da ka United Biate FC waka Evanylla FC heipor 2:00 waje i sngi.
Discussion about this post