Shillong: Ka seiñ All Jaiñtia Students Union Shillong Circle (AJSU-SC) da pynbna ko cha waroh ki dhab wa yachimbynta ha ka 6th Jaiñtia Meet 2017 ka wow sdang nadooh ka 5 Naisaphra 2017 ha Madan Jingkieng, Nongthymmai Football Ground wei waroh ki dhab wa wan da em ki 26 tylli.
Ki dhab kiwa yachem nadooh ka 1st Round ha ka sngi Opening Ceremony toh ka Ummulong XI United FC pyrchah ya ka Pohshnong FC (Khliehriat) heipor 11:00 waje i sngi, ka Sutnga FC pyrchah ya ka Ham e lad FC heipor 12:45 nohchariñ ka sngi, ka Jopbait United FC pyrshah ya ka Raliang United FC heipor 2:30 nohchariñ ka sngi, ka Iong i Lang FC pyrchah yaka Combine United FC heipor 4:00 waje i janmiet.
Ka 1st Round ha ka 12 tarik ka Thunder FC pyrchah yaka RNA War FC heipor 11:30 i step, ka Exterminator Raliang FC pyrchah yaka Pnar Land FC heipor 1:00 nohchariñ ka sngi, ka Mowkaiaw United FC pyrchah ya ka War United FC heipor 2:30 nohchariñ ka sngi, ka Jar i Sap pyrchah yaka Students Eleven FC heipor 4:00 i janmiet.
Ha ka 18 tarik won ka Naphang FC pyrchah ya ka Iatyllilang FC heipor 11:30 i sngi, ka Friendly Federation FC pyrchah yaka Chirup FC heipor 12:45 nohchariñ ka sngi, ka Treilang United FC pyrchah yaka Pnar United FC heipor 2:30 nohchariñ ka sngi, ka Pnar Shillong Students FC pyrchah yaka Tur Chaphrang FC heipor 4:00 i janmiet.
Ya kiwi ki dhab daw pyntip won hadien wa pynbait ya ki tarik yalehke.
Ka seiñ da pynbna ko wa nadooh ka 4 tarik Naisaphra 2017 u e ya ki form cha ki khynnah kiwa pass bha ha ki exam wei ya kini ye u yoh na Daplieh Educare Office pyrchah ka Rani Motors wa na Ribok Restaurant, Laitumkhrah.
Discussion about this post