30 snem phah kset ka yung bichaar ya uwa slaitbor pyn ya ka khon nah

Ka yung bichaar da phah kset ko 30 snem hapoh ka aiñ POCSO ya uwa slaitbor pyn ya ka khon nah u kawa dang khian rta.

Kani man ko heiyatoh wa ka FIR wa da yoh ha ka 07-12-2020 ha Mawngap PS kawa pynbaad ya u Teran Mawlieh wa slaitbor u pyn ya ka khon nah u wei da lai kem ya oo da ki pulit.

Hadien wa pyndep yei takit, da Charge Sheet ya u hapoh ki kyndon 354/354A/354B/376(2)(f)/376(3)/503/506 ka IPC deilang ka Section 3(b)/5(n)/6/7/9(l)/10 ka aiñ POCSO Act.

Ha ka 28-08-26, ka yung bichaar ka M.K. Lyngdoh, Spl. Judge (POCSO), East Khasi Hills, Shillong da rai pynrem ko ya u Teren Mawlieh hapoh ki kyndon 354/354A/354B/376(2)(f)/376(3)/503/506 ka IPC deilang ki kyndon 3(b)/5(n)/6/7/9(l)(n)/10 POCSO Act deiwa phah kset 20 snem deilang ka kuna wa Rs. 30,000 hapoh ka kyndon 4 ka aiñ POCSO Act wei lada ym su u daw hap u wow chong patok sa le bnai.

Chooh chooh da phah kset oo 30 snem deiwa pynchitom bha deilang ka kuna wa Rs. 40,000 hapoh ka kyndon 6 ka POCSO Act wei lada ym ye u wow su daw chong patok sa soo bnai.

Da phah leh wow kset 5 snem deilang ka kuna wa Rs. 10,000 hapoh ka kyndon 8 ka aiñ POCSO Act wei lada ym su daw hap chong patok chi bnai.

Related posts

Sdang ka sorkar da ka Scheme thymme yow yarap poisa ya ki Secondary wa Higher Secondary School ha Meghalaya

September 16, 2026

Da paitbniah ka sorkar yei wan kiwa na Assam yow leh Census cha Meghalaya: Conrad

September 16, 2026

Da phah leh wow chong patok 7 snem deilang ka kuna wa Rs. 20,000 hapoh ka kyndon 10 ka POCSO Act wei lada ym su daw hap chong patok sa chi bnai.

Ini i phah kset toh deiwa kheiñlang kam iwi wei uni u bru toh uwa dadep chong patok la 3 snem, 11 bnai wa 28 sngi. Kattu daw hap u wow chong patok sa 26 snem wa ar sngi.

Ya ini wa jia da takit da ka WPSI ka L. Kharjana kawa em kattæ ha Women PS, East Khasi Hills District.