3rd Division: Jop ka Khliehmyntdu waka Lumpyrtuh

Ka 3rd Division wa tip leh kam ka 3^rd U Adelbert Laloo Memorial Trophy wa pynman da ka West Jaiñtia District Sports Association (WJDSA) da pteiñ biang ya ka ynne ka sngi da soo tylli ki yalehke.

Ha ka yalehke wa nyngkong, ka Khliehmyntdu Neinchnong Mihmyntdu da jop ko ya ka Umshangiar da 3-2.

Ya ka Khliehmyntdu Neinchnong da thap kool da u Fivestarson Shylla haka minit wa 26 wa 41 wa u Toto Sana haka minit wa 70. Ya ka Umshangiar da thap kool da u Lakhon Bareh haka minit wa 16 wa u Kdup Dkhar haka minit wa 66.

Ka yalehke wa ar da kut ko da 1-1 hapyrdi ka Pateinki Sabah waka Mookyrdup.

Ya ka Pateinki Sabah da thap da u Mechwaki Dkhar haka minit wa 6 katwa yaka Mookyrdup da thap da u Deliverance Plain haka minit wa 70+2.

Related posts

U sdang ka Meghalaya State League 2026 da ka yalehke hapyrdi ka Khimusniang wa ka Nongkseh

April 8, 2026

Kamwa Rs. 17 klur neibynta ka Kiang Nangbah Stadium wow man katkam ka juk katni

April 8, 2026

Ka yalehke wa le leh da kut khlem em wa jop hapyrdi ka Sohmynting Dongnein waka Mupliang kawa da kut da 3-3.

Ya ka Sohmynting Dongnein da thap kool da u Wanmi Kyndait haka minit wa 25 wa 29 wa u Salan Lyngdoh haka minit wa 67 katwa ya ka Mupliang da thap kool da u Emianga Phawa haka minit wa 51 wa u Morify Sna haka minit wa 64 wa 70+1.

Ha ka yalehke wa soo da jop da ka Lumpyrtuh Mihmyntdu yaka Samaro da 3-2.

Ya ka Lumpyrtuh Mihmyntdu da thap kool da u Isack Chyrmang haka minit wa 34, u Wanbor Dkhar haka minit wa 44 wa u Firstborn Kyndait haka minit wa 46.

Ya ka Samaro da thap kool da u Dunsill Chyrmang haka minit wa 24 wa 65.

Ki yalehke mynstep u pynman ar tylli kiwa daw sdang da ka Madan Thadmuthlong waka Royal Pole Mihmyntdu heipor 10:30 i step wei daw pynbood da ka FAM waka Pasyih Cultural heipor 12:00 waje i pyrdi sngi.